Helga 25.-26. august arrangerer me langtur med overnatting i Lustrafjorden. Me startar ut frå Indre Ofredalen og padlar ut Årdalsfjorden og inn Lustrafjorden.
Me overnattar i lavvo, lagar mat saman og nyt dei vakre omgjevnadene til fulle.
DAG 1:
• Oppmøte, førebuing/pakking
• Me padlar ut Årdalsfjorden ca 2 timar
• Lunsj
• Me padlar til overnattingsstaden, set opp camp og lagar mat
DAG 2:
• Frukost og nedrigg av camp - sporlaus ferdsel
• Me padlar mot Solvorn
• Lunsj
• RIB-transport tilbake til Årdal
Helga 25.-26. august arrangerer me grunnkurs hav med langtur og overnatting i Lustrafjorden. Me startar ut frå Indre Ofredalen med ein introduksjon til padleteknikk og redningsteknikkar først og padlar deretter ut Årdalsfjorden og inn Lustrafjorden. Me overnattar i lavvo, lagar mat saman og nyt dei vakre omgjevnadene til fulle.
Om turen/kurset:
Grunnkurset vil krevja to fulle dagar med ein god del padling. Avhengig av vind- og straumforholda i fjorden kan dagsetappane variera frå 3-5 timar. Hovudfokus er uansett naturopplevinga og at me skal nyta å vera på tur og ha tid til å ta inn den storslagne naturen rundt oss.
Målet for turen er å nå fram til Solvorn og Walaker Hotel på dag 2. Der vil me nyta ein 2-retters lunsj. Pris på lunsjen er kr 375,- per person.
Lustrafjorden er elles ein av dei lengste fjordarmane i Sognefjorden, og me organiserer difor transport med RIB tilbake til Indre Ofredalen på ettermiddagen dag 2 - så slepp me å padla att og fram same vegen. RIB-safari er elles ei morosam og fartsfyllt oppleving - i kontrast til den stillegåande kajakken. Me seier: ja takk, begge deler! Me har fått ein veldig god pris for RIB-turen frå Solvorn til Indre Ofredalen på kr 400,- per person.
Om Lustrafjorden: Lustrafjorden er ein lite trafikkert del av Sognefjorden, med spennande natur, mykje dyreliv og idylliske stader for overnatting i telt/lavvo.
Me sender ut pakkeliste i god tid før turen, då de vil trenga utstyr som sovepose og liggeunderlag.
Pris for turen: kr 2900,- per person. Dette inkluderer overnatting i lavvo, stormkjøkken/brensel, 2 stk aktivitetsleiarar, guiding og leige av alt utstyr. Turen blir på same tid gjennomført som eit grunnkurs hav - slik at du sit att med ny kompetanse og våttkort etter turen.
Kostnadene til lunsj på Walaker Hotel (kr 375,-) og RIB-turen (kr 400,-) kjem i tillegg.
Vil du vera med? Ta kontakt så snart som råd. Det er 10 plassar på turen, og førstemann til mølla får vera med!
Join us on this adventure!
Er du usikker på om du klarar å gjennomføra denne turen, så kan du gjennomføra eit 3-timars introduksjonskurs med oss før turen startar. Information here.
Turen må avbestillast seinast 1 veke før avreise, elles vil du bli belasta for heile beløpet.
